Technology ki duniya bahut tezi se aage badh rehi hai . Isliye hame bhi khud ko samay samay par update rakhna padta hai. Nhi to hum Bahut si baato ko miss denge tatha jyada productive tareeke se apna kaam nhi kar payenge. To hum update rehne k liye tarah tarah k upaay apnaate hain jisme magazines padna bhi hai.
Is list me mai top 5 indian technology magazines k baare me batane jaa raha hu jinhe aap ya to khareed k ya phir JIO MAGS pe download kar k padh sakte hai, tatha apni knowledge bada sakte hain. Inme se ek magazine hindi me bhi hai tatha saari magazines monthly publish hoti hain. Jin logo ko kitaabe padhne ka shauk hai vo inhe le sakte hain ya subscribe kar sakte hain. Ye magazines aasani se mil jaati hain. Kuch chote shahro me dikkat aa sakti h par har jagah available hain-
1– COMPUTER SANCHAAR SUCHNA–
Ye magazine hindi me hai, jee haan. Agar aap technology aur computers me interest rakhte hai to aapko ye magazine padhni hi chahiye. Iski keemat bhi jyada nhi hai sirf 70 rs. Ye best hindi technology magazine hai. Isme jaruri lekh, computer tips, reviews, bhi bahut news hoti h. Iske saath hi saath Tips and tricks naam se bhi ek alag visheshank kabhi kabhi nikalta hai jisme keval tips and tricks hi hoti hain. Ye magazine sabse sasti aur sabse acchi magazine hai aur vo bhi hindi me.
Computer Sanchaar suchna k dwara aap bahut kuch seekh sakte hai. Agar aap ka budget kam h to ise prefer kare. Ye aapko nirash nhi karegi. Isme ek blue page ka article hota hai jo kisi naye course pe hota hai jisse biginner bhi aasani se ussse seekh sakte hai. To agar aapko computers, laptops, smartphones aadi pasand hai to ye padhna chahiye. Isme samay samay par indian it experts aadi par bhi lekh chapate hain.
2– DIGIT–
Is magazine ko india’s number one technology magazine bhi kaha jata hai. Iski cost rs 200 hai aur special aditions me iski cost rs250 hoti h. Isme aapko latest technology news tatha aur bhi bahut kuch seekhne ko milega. Kuch articals to bahut hi acche hote h. Iske k saath ek DVD bhi milati h, specials editions me 2 jinme softwares that IO events etc. hote hai. Saath hi saath sabse jaruri cheez ki isme FASTTRACK naam ki ek alg booklet milti h jo kaafhi acchi hoti h. Ek poster aur ek choti booklet bhi milti h. Kul milakar dekha jaay to ye ek kaafhi accha package h. Keemat thodi jyada lagati hai lekin pure package ko dekha jay to accha content hai jo ki hame lena chahiye.
Is magazine ko jo cheez popular banati hai vo hai fasttrak booklet. Iski vajah se hi digit ko itni saflata mil paayi. Fasttrack booklet kisi ek topic par hoti hai tatha use poora cover karti hai. Isme detailed information hoti hai. Jo posters isme hote hai vo kaafi romanchak hote hai. Agar aap ek gaming fan hai to aapko posters jarur pasand aayenge. Digit ki website bhi hai, jisme har category ke smartphones, laptops, camera , apps maujood hai. DVD’S me chote mote softwares ya phir games ya movie trailers hote hai tatha google io jaise events hote hai. Digit magazine all over india me available hai.
3–Open Source For You–
Ye ek high level ki tech magazine hai . Iski cost hai rs 110. Open source basically computer based magazine hai jisme reviews, news aur analysis hoti hai. Sath me programs, codes aadi bhi hote hai.
Isme redaers apne prograam me aa rahi samsyaon ko bhej kar uska samadhan dekh sakte hain. Isme jo interviews hote hai vo kaafi acche hote hai companiek ceo’s k.
Isme ek DVD milti hai jisme mainly koi OS software hota hai jaise Ubuntu, Linux etc. Ye magazine bhi kaafi helpful hai. Iski highlights hai CEO interviews tatha software DVD.
Ye magazine jiomags ki library me available hai, jaake download karke padh sakte hai.
4–STUFF INDIA MAGAZINE–
Stuff magazine tech world ki sabse badi magazine hai. Usi ka indian edition hai stuff india magazine. Iski single issue ki price 100 rs. hai tatha ise aap subscribe bhi kar sakte hai. Stuff ka part hone k naate ye bhi kaafi acchi magazine hai. Isme product ki detailed analysis , upcoming products, reviews tatha top ten milti hai. Isme aapko in depth tech features milte hai. Ye magazine bhi jiomags ki library me available hai, jaake download karke padh sakte hai.
5– ELECTRONICS FOR YOU(EFY)–
Ye india ki sabse popular electronics magazine hai. Electronics for you maily electronics enthusiasts k liye upyogi hai. Isme aapko kaafi kuch electrical tatha electronics se related seekhne ko milega. Agar aap ek electronics engineer hai ya keval ek hobbyst bhi hain aur aapne ye magazine nhi padhi hai to certainly aap kuch miss kar rahe hai. Isme diye gaye projects kaafi acche hote hai, jinhe famous institutes me padh rahe teachers , students aadi publish karte hain. Ye magazine lagbhag 37 saalon se hai tatha kaafi popular hai.
NOTE– Computer sanchaar succhna ko top par isliye rakha gaya hai kyonki hindi me hai, sasti hai, tatha usme errors ki sambhavaana kam hai.